Funcionamento das Ligas dos Recreos Activos
Hoxe deron comezo as ligas dos recreos activos, a continuación podedes atopar información importante para o bo funcionamento das mesmas. "MOITA SORTE A TOD@S".
VOLEIBOL 3X3 (MARTES). MÍNIMO 2 XOGADORES.
- Partidos autoarbitrados ao mellor de 3 sets (25 pts, sempre con diferenza de 2). Xógase nos 2 recreos (15’x2 aprox.).
- Cando un equipo gaña o partido comunica resultado e poden seguir xogando libre ou abandonar o pavillón.
- Partido gañado suma 2 pts. En caso de empate (1 a 1 sets), gaña o equipo que máis xogos gañase en total ao final do 2º recreo.
FUTSAL 5X5 (MÉRCORES E VENRES). MÍNIMO 4 XOGADORES.
- Os partidos serán arbitrados polo equipo designado e duran 15’-17’ aprox. (ser puntuais).
- Acabado o tempo, o equipo que gaña suma 3 pts, en caso de empate 1 e se perde 0.
- Regulamento básico:
- Saque de falta, banda, medio ou esquina co pé e balón parado. Se se pide distancia hai que esperar a que pite o árbitro para sacar.
- Saque de portería coa man tendo que botar o balón en campo propio. Se o balón non saíu por liña de fondo, o porteiro poderá sacar coa man a calquera parte do campo, saír en condución co balón no pé da área ou golpear o balón co pé.
- O porteiro pode saír da área en todo momento e xogar co pé, 4” no seu propio campo e o que queira en campo contrario.
- Se lle pasamos o balón ao porteiro, aínda que estea dentro da área, non pode collela coa man, debe xogar co pé, se non é cesión e será libre indirecto para o equipo contrario. O mesmo sucede se lle pasamos o balón 2 veces sen pasar o balón de medio campo ou tocala algún rival. O libre indirecto sácase desde fóra da área no punto máis próximo onde tocou o balón o porteiro.
- O equipo que realice 5 faltas será avisado que a seguinte falta será dobre penalti (10 m) sen barreira.
DATCHBALL 6X6 (XOVES 1º RECREO). MÍNIMO 5 XOGADORES
- Os partidos serán arbitrados polo equipo designado e duran 15’-17’ aprox. (ser puntuais).
- Acabado o tempo, o equipo que gaña suma 2 pts. e o que perde 0.
BALONCESTO 3X3 (XOVES 2º RECREO). MÍNIMO 2 XOGADORES
- Os partidos xogaranse en ½ campo e serán autoarbitrados. Durarán 15’-17’ aprox. (ser puntuais).
- Acabado o tempo, o equipo que gaña suma 2 pts, en caso de empate 1 e se perde 0.
- Despois de cada cambio de posesión, rebote defensivo ou balón recuperado, o balón deberá saír máis aló da liña de tripla antes de poder anotar. Se anotasen sen saírse da liña de tres, a canastra non valerá e a posesión será para o outro equipo. Despois de cada canastra o balón cambia de posesión e iníciase o xogo desde detrás da liña de medio campo cun pase.
- As loitas (cando dous xogadores contrarios suxeitan o balón) resolveranse alternando a posesión do balón.
- As faltas sacaranse de banda, agás se un xogador está en situación clara de tiro, nese caso, esta sancionarase con dous tiros libres.
OS EQUIPOS QUE NON SE PRESENTEN A XOGAR OU O
FAGAN CUN Nº INSUFICIENTE DE XOGADORES (MÍNIMO 2 EN VOLEIBOL E BALONCESTO, 4 EN FUTSAL E
5 EN DATCHBALL), DARÁSELLES O PARTIDO POR PERDIDO E SERÁN
SANCIONADOS COA PERDA DE PUNTOS NA CLASIFICACIÓN XERAL. EN CASO DE
REPETIRSE ELIMINARASE AO EQUIPO DA COMPETICIÓN. O MESMO SE NON SE PRESENTAN OS ÁRBITROS O DÍA MARCADO.
CANDO UN EQUIPO NECESITE APRAZAR UN PARTIDO POR MOTIVOS XUSTIFICADOS,
DEBERÁ FACELO COA SUFICIENTE ANTELACIÓN
AVISANDO AO PROFESOR ORGANIZADOR E AO RESTO DE EQUIPOS IMPLICADOS.
Comentarios
Publicar un comentario